बागलुङ नगरपालिका वडा नम्बर १४ नारायणस्थानमा ट्याक्टर दुर्घटना हुदा दुई जनाको घटनास्थलमै मृत्यु भएको छ भने एक जना घाईते भएका छन् । बालुवा बोकेर जिल्लाको दक्षिण जैमिनी नगरपालिकाको कुश्मिसेरा जादै गरेको ध १ च ३६० नम्बरको ट्याक्टर बागलुङ नगरपालिका–१४ नारायस्थानको कैँया भन्ने ठाउँमा दुर्घटना भएको जिल्ला प्रहरी कार्यालय बागलुङका सूचना अधिकारी ईकवाल हवारीले जानकारी दिए । ट्याक्टर सडक भन्दा करिब दुई सय मिटर तल खसेको छ ।
मृत्यु भएकाको शव शनाखत हुन सकेको छैन । शव भिरका अड्किएको अवस्थामा रहेकोले शव निकाल्नै समस्या भैरहेको प्रहरीले जानकारी दिएको छ । घाईते हुनेमा १२ वर्षीय सुदिन केसी रहेको छन् । उनको अवस्था सामान्य रहेको प्रहरीले बताएको छ । थप विवरण आउन बाँकी छ ।