बागलुङ- नेपाल बीउ ब्यबसायी संघ जिल्ला समन्वय समिति बागलुङको  साधारणसभामा बागलुङ जिल्लामा मल बीउ बिक्री वितरण गर्दै आएका ब्यबसायीहरूले किसानलाई मल बीउ बिक्री वितरण गर्दा सैद्धान्तिक र ब्यबहारिक ज्ञानको अझै पनिअभाव रहेको धारणा राखेका थिए । कृषिज्ञान केन्द्र बागलुङका प्रमुख भानुभक्त भट्टराईले  बीउबिजन बिक्री वितरण गर्ने ब्यबसायीले ज्यान जोखिममा राखेर किसानको हितमा कामगरि रहेको हुदा यसलाई मात्रै नाफा घाटा संग मात्रै जोडेर हेर्न नहुने धारणा राखेका थिए ।भाषण र नारा भन्दापनि कृषि उत्पादनलाई बढी भन्दा बढी गराउन सकेमात्र समृद्धि हुने भट्टराईले बताएका थिए ।

कार्यक्रममा साल्ट ट्रेडिङ कर्पोरेसन लिमिटेड बागलुङ शाखाका प्रमुख मनोज श्रेष्ठ , नेपाल बीउ ब्यबसायी संघ गण्डकी प्रदेशका सदस्य गंगा तिमिल्सिना ,बिनोद कार्की, केवी रानामगर ,लगायतका बक्ताहरूले अहिले बजारमा आएका बीउ बिजन गुणस्तरीय के कतिछन् भन्ने हेर्ने निकाय नभएको कारणले गर्दा जिल्लाका किसान मर्कामा पर्दै आएको धारणा राखेका थिए । अधिवेशनले निर्मला जिसी पन्तको अध्यक्षतामा नयाँ कार्यसमिति चयन गरेको छ  । समितिको उपाध्यक्षमा बाबुराम पौडेल ,सचिवमा कृष्ण गौतम ,कोषाध्यक्षमा गंगा रानामगर ,र सदस्यहरूमा टोप बहादुर खड्का ,डिल्ली प्रसाद आचार्य ,रविन खड्का ,नारायण केसी ,दिलबहादुर कुमाल गोमा थापा ,र प्रेम जिसी चयन गरेको छ ।