बागलुङ -    तेस्रो जेसीज कपको उपाधी ग्रेस गुँरास गुठी एकता क्लबले हाता पारेको छ । शनिबार भएको फाईनल खेलमा बागलुङ सुधार केन्द्रलाई हराउँदै ग्रेस गुराँसले उपाधी चुमेको हो । 
    ग्रेस गुराँसले सुधार केन्द्रलाई ४–३ को अन्तरले पराजित गरेर च्याम्पिएन बनेको हो । खेलको पहिलो हाफमा दुवै टिमले आफ्नो पक्षमा गोल पार्न सकेका थिएनन् । खेलको ५६ मिनेटमा ग्रेस गुराँसका विराट खत्रीले पहिलो गोल गरेर जित सुरुवात गरेपनि खेलको ५७ मिनेटमा सुधार केन्द्रका घानियन खेलाडी ऐबेख रिचार्डले गोल फर्कापछि खेल बराबरी भएको थियो । बराबरी भएको खेलको अन्तिम सम्म दुवै टिमले  गोल थप गर्न सकेन र खेलमा पुन  ७/७ मिनेट थप गरिएको थियो । थप गरिएको समयमा पनि दुवै तर्फबाट गोल नभएपछि खेल पेनाल्टी सुटआउटमा पुग्यो । 
 पेनाल्टी सुटआउटमा ग्रेस गुराँसले ४ गोल गरेर च्याम्पिएन बन्यो भने सुधार केन्द्रले ३ गोलमा नै रनरअप बनेर चित्त बुझाउनु प¥यो । साविक विजेता सुधार केन्द्रले यस पटक भने उपविजेता हुनु पुग्याmे।  पेनाल्टी सुटआउटमा ग्रेस गुराँसका लागि सम्राट लिम्बु, जेनिस प्रजापती, विवेक थापा र मनिष ठकुरीले गोल गरेका थिए । सुधार केन्द्रका राहुल गुरुङ, निशान थापा र सुसिल लामाले गोल गरेका थिए भने रोशन क्षेत्री र प्रसन्न श्रेष्ठले गोल गुमाउँदा उपविजेतामा चित्त बुझाउन सुधार केन्द्र बाध्य भयो । 
प्रतियोगिताको विजेताले नगद २ लाख र उपविजेताले १ लाख रुपैयाँ सहित ट्रफी, मेडल र प्रमाणपत्र प्राप्त गरेको आयोजक बागलुङ जेसीजका अध्यक्ष सुसान्तकृष्ण  श्रेष्ठले जानकारी दिए । प्रतियोगिताको सेमिफाइनल पुग्ने टिमले नगद १५ हजार रुपैयाँ प्राप्त गरेको छ भने अनुशासित टिमले ५ हजार रुपैयाँ प्राप्त गरेका छन । यस्तै विधागत तर्फ प्रतियोगिताको सर्वोकृष्ट खेलाडी, उत्कृष्ट फरवार्ड, उत्कृष्ट मिडफिल्डर, उत्कृष्ट डिफेन्डर, उत्कृष्ट गोलरक्षकले नगद ५–५ हजार रुपैयाँ र ट्रफी प्राप्त गरेको आयोजकले जनाएको छ । फागुन १८ गते संचालन भएको खेलमा प्लेयर अफदी म्याच हुने खेलाडीलाई समेत पुरस्कृत गरिएको थियो ।