इन्डियन प्रिमियर लिग (आईपीएल) २०२१ क्रिकेट प्रतियोगिताका बाँकी खेलमा दर्शकलाई प्रवेश दिइने भएको छ।  बुधबार भारतीय क्रिकेट बोर्ड (बीसीसीआई)ले एक विज्ञप्ति जारी गर्दै स्टेडियम पुगेर दर्शकलाई खेल हेर्न दिइने जानकारी दिएको हो। 

यसअगाडी कोरोना महामारीका कारण दर्शकलाई प्रवेश दिइएको थिएन। तर, कोरोना महामारी कम भएको र प्राय: सबैले डबल डोज भ्याक्सिन लिसकेकाले दर्शकलाई राखेर प्रतियोगिता सञ्चालन गर्न सकिने बीसीसीआईले जनाएको हो।  

यद्यपि, दर्शकहरुको संख्या सीमित हुनेछ र संयुक्त अरब इमिरेट्स सरकारद्वारा जारी सबै कोभिड प्रोटोकल पालना गरिने आयोजकले जनाएको छ।

बीसीसीआईका अनुसार १६ सेप्टेम्बरबाट टिकट किन्न सकिनेछ। खेल दुबई, शारजाह र अबुधाबीमा खेलाइनेछ।