बागलुङ - क्रान्तिकारी कम्प्युनिष्ट पार्टी नेपालले १३२ औं माओ दिवश तथा एकता महाधिवेसन बारे जानकारी गराएको छ । जिल्ला भेला गर्दै उक्त पार्टीले महाधिवेसनको जानकारी समेत गराएको हो ।
बिहिवार पत्रकार भेटघाट गर्दै पार्टीका जिल्ला सेक्रेटरी दलसिंङ खत्री ‘मिसन’ले केन्द्रीय तहमा तीनवटा दलको एकीकरण भएकोले जिल्लामा पनि तीनवटैको संयुक्त अभियान चलाउने बताए । क्रान्तिकारी माओावदी, नेकपा बहुमत र नेकपा मशालबीच एकता भएर मोहन बैद्य किरण महासचिव भएकोले सोही अनुसार जिल्ला लिल्लामा पनि संस्थागक रुपमा एकताको काम भैरहेको खत्रीले जानकारी दिए ।
पार्टीको नाम क्रान्तिकारी कम्युनिष्ट पार्टी नेपाल राख्ने, महासचिवमा बैद्यलाइ स्विकारेर तीवनटै दलका पदाधिकारी र सदस्य रहने व्यवस्था गर्ने, मार्गदर्शक सिद्दान्त माक्र्सवाद, लेलिनवाद माओवाद रहने, फरक मतको अभिलेखीकरण गर्ने र नयाँ जनवादी क्रान्तिको खुड्किलोसहित वैज्ञानिक समाजवादमा जाने राजनीतिक कार्यदिशा अबलम्बन गर्ने निर्णय भएको खत्रीले जानकारी दिए ।