बागलुङ- नेपाली काँग्रेसका वडा तहका नेता तथा कार्यकताले काँग्रेसबाट निर्वाचित जनप्रतिनिधिले पार्टी नेतृत्वसँग समन्वय गरी काम गर्न सुझाव दिएका छन ।

नेपाली काँग्रेसले संगठन सुदृढिकरणका लागि संचालन गरेको एक सय दिने अभियान अन्तरगत बुधबार काँग्रेस बागलुङ नगरकार्यसमितिले आयोजना गरेको कार्यक्रममा सहभागी वडा तहका सभापतिले सो कुरा बताएका हुन । 
उनिहरुले जनप्रतिनिधिले वडा तह होस वा पालिका तहमा काम गर्दा आफ्नो पार्टी नेतृत्व सँग समन्वय गरेर काम गर्नुपर्ने सुझाव दिएका छन । सहभागी वडा सभापति तथा प्रतिनिधिले स्थानिय तहमा प्रतिनिधित्व गर्ने होस वा प्रदेश संघमा प्रतिनिधित्व गर्ने जनप्रतिनिधिले आफ्ना नेता तथा कार्यकर्तासँग समन्वय गरेर काम गर्नुपर्ने सुझाव दिएका हुन । 
‘हाम्रा जनप्रतिनिधिहरु हामी सभापतिहरु गाउँमा छौं समन्वय गर्न कठिनाई गर्नुहुन्छ काँग्रेस बागलुङ नगरपालिका १३ पैयुँपाटाका सभापति चन्द्रबहादुर केसीले भने,–‘हाम्रो आग्रह वडा तहमा काम गर्दा समन्वय गर्नु भन्ने हो, यसले काम गर्न अझै सहज बनाउन हामीले प्रयास गर्ने थियौं । हामीले जनतालाई काँग्रेसबाट निर्वाचित जनप्रतिनिधिको सहयोगमा भएको काम हो भनेर भन्न पाउनुपर्छ र त संगठन सुदृढिकरणमा सहयोग पुग्ने छ । ’ उनले काँग्रेसका जनप्रतिनिधिले गरेका काम काँग्रेसकै कार्यकर्ताले भन्न सक्नुपर्ने बताए । 
कार्यक्रममा सहभागी अन्य वडाका सभापतिहरुले पनि पार्टी भित्रको आन्तरिक निर्वाचनमा जे जस्तो भएता पनि बाहिर अन्य राजनिति पार्टीसँग प्रतिस्पर्धा गर्दा काँग्रेस एक भएर आगाडी जानुपर्ने बताए । उनिहरुले पार्टी भित्रको गुटउपगुटको अन्त्य जरुरी रहेको बताए । आफ्नै पार्टी भित्रका कुरा बाहिर भन्दा पनि कोठा भित्र गरेर समाधानको उपायको खोजी गनुपर्ने कार्यक्रममा सहभागीले जनाएका थिए । वडा तहका सभापति तथा प्रतिनिधिले जिल्ला तहका नेताहरु गाउँ तहमा आफ्ना नेता तथा कार्यकर्ता सम्म पुग्नका लागि आग्रह गरे । 
काँग्रेस जिल्ला कार्यसमितिले जिल्लाका सवै वडा तहमा प्रतिनिधि खटाएर टोलटोलमा अभियान संचालन गरेको थियो ।  टोल टोलमा भेला सकिए पश्चात वडा भेला गरी नगरकमिटीले एक सय दिने अभियानको कार्यक्रम आयोजना गरेको काँग्रेस बागलुङ नगरसमितिका सभापति उमाकान्त शर्मा बाबुले जानकारी थिए । शर्माका अनुसार नगरका १४ वटै वडामा भेला सकिए पश्चात नगर तहमा एक सय दिनको अभियानको मुख्य कार्यक्रम संचालन गरिएको थियो । 
वडा तहमा जिल्लाबाट खटिएका प्रतिनिधिले नगरपालिकालाई प्रतिवेदन समेत पेश गनुपर्ने सभापति शर्माले बताए । उक्त प्रतिवेदन नगरले जिल्लामा पठाउने छ । बुधबारको कार्यक्रममा नगरका १४ वटै वडाका सभापतिले पार्टी संगठनको वर्तमान अवस्था र पार्टी नेतृत्वले ध्यान दिनु पर्ने कुराहरु सुझावसहित रिर्पोटिङ गरेका थिए ।
कार्यक्रममा वडा नंं १ का सभापति तेजेन्द्र आचार्य, वडा नं. २ का अमरबहादुर खड्का, वडा नंं ३ का सचिव निसान खड्का, वडा नंं ४ का कावा सभापति किरण कंडल, वडा नंं ५ का फुलप्रसाद सापकोटा, वडा नंं ७ का शसिधर उपाध्याय, वडा नंं ८ का छमबहादुर कार्की, वडा नंं ९ का बद्री शर्माले प्रतिवेदन पेश गरेका थिए । त्यस्तै वडा नंं १० का डिल्ली प्रसाद रिजाल, वडा नं ११ का सभापति थमबहादुर थापा, वडा नंं १२ का सभापति कोपिलामणी शर्मा, वडा नंं १३ का सभापति  चन्द्रबहादुर केसी र वडा नंं १४ को तर्फबाट जिल्ला प्रतिनिधि सिताराम रसाईली र सुमन भुषालले प्रतिवेदन पेश गरेका थिए । 

कार्यक्रममा कांग्रेस केन्द्रीय सदस्य चम्पादेवी खड्काले संगठन निर्माणमा सबैले चासो दिने हो भने आगामी निर्वाचनमा पार्टीलाई पहिलो बनाउन सकिने बताइन् । उनले काँग्रेसलाई जनताको रोजाईको पार्टी बताउनका निम्ती सवै नेता तथा कार्यकर्ता एक भएर अगाडी बढ्नुपर्ने बताईन । गण्डकी प्रदेश सभा सदस्य समेत रहेकी खड्काले आफु पनी जनप्रतिधि भएका कारण जनताको माझमा जाने प्रतिवद्धता जनाईन । 
कार्यक्रममा नेपाली काँग्रेसका पुर्व केन्द्रीय सदस्य एवं संविधान सभा सदस्य रत्ना शेरचन, काँग्रेस गण्डकी प्रदेशका कोषाध्यक्ष एवं बागलुङ नगरपालिकाका नगरप्रमख बसन्त कुमार श्रेष्ठले काँग्रेस देशको हरेक राजनिति परिवर्तनमा महत्वपुर्ण भुमिका खेल्न पार्टी भएका कारण आगामी दिनमा पनि देशको विकास काँग्रेसकै नेतृत्वमा सम्भव हुने बताए । 
नेपाली कांग्रेस बागलुङ नगर सभापति उमाकान्त शर्मा बाबुको अध्यक्षतामा सम्पन्न कार्यक्रममा नेपाली काँग्रेस बागलुङका सभापति जितबहादुर शेरचन, पूर्व सभापति एवं पुर्व मन्त्री दिपेन्द्रबहादुर थापा, काँग्रेसका महाधिवेशन प्रतिनिधि एवं गण्डकी प्रदेश सभा सदस्य डिल्लीराम सुवेदी, क्षेत्रीय सभापति चण्डीप्रसाद शर्मा, प्रदेश सभापतिहरु दलबहादुर श्रीष र हरिबहादुर जिसी सन्तोष, नेपाल शिक्षक संघका अध्यक्ष उमाकान्त पौडेल काँग्रेसको एक सय दिने अभियानले पार्टीको संगठन सुदृढिकरणमा टेवा पुगेको बताए ।

कार्यक्रममा धौलागिरी बहुमुखी क्याम्पसमा अध्ययन गरी गण्डकी प्रदेशमा नै उत्कृष्ट नतिजा हासिल गर्ने नेपाल विद्यार्थी संघका आवद्ध तिन जना विद्यार्थीलाई नगद सहित सम्मान गरिएको छ । जसमा विविएस तर्फ गण्डकी प्रदेशमा नै प्रथम हुने विमला रिजाल, क्याम्पसको एमबिबिएस प्रथम सेमिष्टर तर्फ उत्कृष्ट नतिजा ल्याउने सुनिल गौतम र रक्षा शाहलाई सम्मान गरिएको थियो । कार्यक्रम नगर उपसभापति नारायण पौडेलको स्वागत र सचिव कृष्ण शर्माको संचालनमा सम्पन्न भएको थियो ।