बागलुङ -गण्डकी प्रदेश सभाका सभामुख कृष्ण प्रसाद धितालले गाँजा खेतीलाई कसरी बैध गराउने विषयमा संसदमा छलफल गर्ने बताए । उनले प्रदेश सरकारले यसलाई कसरी बैध बनाउने भन्ने विषयको कानुन निर्माणको लागि संसदमा विधेयक पेश गर्ने अवस्थामा रहेको र उत्त विधेयक माथि छलफल गरी उपयुक्त कानुन निर्माण गर्ने बताए । शनिबार बागलुङमा अन्नपूर्ण मल्टिमिडिया क्रियशनद्धारा संचालित साझा जनआवाज अनलाईन मिडियाको शुभारम्भ कार्यक्रममा बोल्दै उनले प्रदेश सरकारले गाँजा र स्थानिय मदिरालाई बैध बनाउनका निम्ती संसदमा विधेयक ल्याउने तयारी रहको र त्यसका बारमो घनिभुत रुपमा छलफल गरेर कानुन निर्माण गर्ने बताए । उनले गण्डकी प्रदेशका विभिन्न क्षेत्रमा उत्पादन हुने गाँजालाई उचित कानुन बनाएर बैध गराई यसलाई आम्दानीको श्रोत सँग जोड्नुपर्ने बताए । 
धितालले अहिले हिउँदे अधिवेशन चलिरहेको र संसदमा मगर र गुरुङ भाषालाई कामकाजको भाषा बनाउने विषयमा छलफल भएको र यसका बारेमा कानुन निर्माणको प्रक्रियामा हरेको बताए । ‘गण्डकी प्रदेशले मगर र गुरुङ भाषालाई सरकारी कामकाजका भाषाको रुपमा ल्याउनका निम्ती संसदमा कानुन निर्माणको प्रक्रियाको थालनी गरेको छ । यसको बारेमा संसदमा छलफल भएको छ सभामुख धितालले भने,–‘ केन्द्र सरकारले यसलाई मातृ भाषाको रुमपा घोषणा गरिसकेको छ । प्रदेशमा यसको उचित कानुन बनाएर छिट्टै व्यवस्थापन गर्नेछौं ।’ उनले प्रदेश सभा सदस्यको मुख्य काम कानुन र निति निर्माण रहेको हुँदा हाल रहेका कानुनका बारेमा जनतासँग समन्वय उचित रायसुझाव समेत लिनुपर्ने बताए । धितालले सांसदहरुले निति निर्माण र विकास निर्माण भएका कामलाई सँगै लैजानुपर्ने बताए । उनले सरकारले जस्ता कानुन ल्यायौ संसदबाट छलफल नगरी हुबहु पारित गर्न नहुने बताए । 
उनले प्रविधिको विकास सँगै पछिल्लो समयमा अनलाईन संचार माध्ययमको धेरै विकास भएको हुँदा यसलाई व्यवस्थित गरेर संचालन गर्नुपर्ने बताए ।  धितालले संचार माध्ययम आम जनताको आवाज बोल्ने माध्ययमको रुपमा विकास हुनुपर्नेमा जोड दिए । 
कार्यक्रममा नेकपा माओबादी केन्द्र  गण्डकी प्रदेश सभाका प्रमुख सचेतक कुशम बुढा मगर, जिल्ला समन्वय समिति बागलुङका प्रमुख अमर थापा, बागलुङ नगरपालिकाका उपप्रमुख राजु खड्का, नेकपा एमाले बागलुङका सचिव गणेश बहादुर थापा, नेकपाका दलसिंह खत्री, नेपाल पत्रकार महासंघ बागलुङका अध्यक्ष राम थापा अविरल, जिल्ला प्रहरी कार्यालय बागलुङका प्रमुख ऋषिराम कंडेल, बागलुङ उद्योग बाणिज्य संघका अध्यक्ष नरेश कडेल लगायतले बोलेका थिए । 
कार्यक्रम साझा जनआवाजका सम्पादक अनिष खातीको अध्यक्षता, प्रधानसम्पादक पार्वती थापाको स्वागत  र पत्रकार संगम घर्तिमगरको संचालनमा सम्पन्न भएको थियो ।