बागलुङ- माध्यमिक शिक्षा परीक्षा (एसईई) मा चिल्ड्रेन लाईफ इङ्लिस बोर्डिङ स्कुलका छात्रा अपेक्षा श्रेष्ठ जिल्ला प्रथम भएकी छन्। श्रेष्ठ ३.९६ जिपिए सहित उत्कृष्ट नतिजा ल्याउन सफल भएकी हुन् । विद्यालयबाट ७० जना विद्यार्थीहरु मध्ये २९ जना विद्यार्थीले ए प्लस, ३८ जना विद्यार्थी ए, ३ जना विद्यार्थी बी प्लस प्राप्त गरी शतप्रतिशत उत्तीर्ण भएको विद्यालयका प्रिन्सिपल नवराज श्रेष्ठले जानकारी दिए ।   गत वर्षको एसइईको परीक्षामा चिल्ड्रेन लाईफ इङ्लिस बोर्डिङ स्कुलबाट ३ जनाले ४ जिपिए ल्याएका थिए ।