बागलुङ- अविरल वर्षाका सँगै आएको पहिरोले बागलुङको पैयुँपाटामा एक गोठ बगाएको छ । बागलुङ नगरपालिका—१३ पैयुँपाटा थाराघरमा एक गोठ पूर्ण रुपमा बगाएर क्षती बनाएको छ । पहिरो कै कारण गोठ देखी तलको खेत पनि बगाउनुका साथै पुरिएको छ । पैयुँपाटाको उपल्ला घडेरी देखी आएको पहिरोले थाराघरमा रहको स्थानिय नारायण हरिजनको गोठ पूर्ण रुपमा बगाएको हो  । पहिरोका कारण गोठ देखी तल रहेको झण्डै १० रोपनी खेत पनि बगाएको बागलुङ नगरपालिका—१३ पैयुँपाटाका वडा सदस्य सुरज रिजालले जानकारी दिए । 
पहिरोका कारण मालढुंगा पाग्जा बास्कोट हुँदै भैरवस्थान पुग्ने सडक पनि अवरुद्ध भएको छ भने मौवाबारी बास्कोट घडेरी हुँदै भैरवस्थान जाने सडक पनि पूर्ण रुपमा अवरोध भएको रिजालले जानकारी दिए । सो पहिरोकै कारण विभिन्न ४ वडा सिंचाई कुला अवरोध भएका छन भने, बास्कोटमा रहेको जनमत मावि र वरीपरिका वस्तीले प्रयोग गर्ने खानेपानी पाईप पनि बगाएपछि तल्लो बास्कोटका स्थानियलाई खानेपानीको समस्या भएको छ । पहिरोकै कारण थाराघर पात्लेखेतका ल्याईएको खानेपानी पाईप पनि बगाएको रिजालले बताए । 
पहिरोका कारण घडेरीका शेरबहादुर केसीको घर गोठ नै उच्च जोखिममा रहेको बागलुङ नगरपालिका—१३ का वडा अध्यक्ष नारायण शर्मा पौडेलले जानकारी दिए । बर्षाकै कारण पैयुँपाटाको दमुकमा रहेको कल्पना केसीको घर जोखिममा रहेको छ भने परमपुण्डेश्वरी प्राविको खेलमैदान भत्किएर क्षती भएको वडा अध्यक्ष पौडेलले जानकारी दिए । बर्षाकै कारण शिवालय आधारभुत विद्यालय काभ्राबोटमा पनि क्षती पु¥याएको छ भने पैयुँपाटकै राजु रेग्मीको गोठ भत्किएको वडा अध्यक्ष पौडेलले जानकारी दिए ।