बागलुङ- बागलुङका एक युवा समाजसेवीले आफ्नो गाउँको स्वास्थ्य चौकीलाई कम्युटर सहयोग गरेका छन । बागलुङ नगरपालिका १२ अमलाचौर कालुङ्गामा घर भै हाल बैदेशिक रोजगारीका लागि अमेरिकामा रहेका युवा हरि पौडेलले आफ्नै गाउँमा रहेको अमलाचौर स्वास्थ्य चौकीमा एक थान कम्प्युटर सहयोग गरेका हुन । 
शर्माका श्रीमती सिता शर्मा र छोरी कृपा पौडेलले बागलुङ नगरपालिकामा वडा न‌म्बर १२ का वडा अध्यक्ष कोपिलामणी शर्माको रोहबरमा एक कार्यक्रमका बिच उक्त कम्प्युटर स्वास्थ्य चौकीलाई हस्तान्तरण गरेका हुन । 
हस्तान्तरण कार्यक्रममा बाेल्दै वडा अध्यक्ष शर्माले विदेशमा भएर पनि गाउँ प्रतिको मायाँले स्वास्थ्य जस्तो क्षेत्रमा काम गर्न थप सहज भएको बताए । उनले  गाउँमा अहिले पनि स्वास्थ्य क्षेत्रमा थुप्रै काम गर्नुपर्ने भएको र त्यो स्थानिय सरकार सङ्गै  समन्यवय गरेर अगाडी बढ्ने बताए । उनलेे  गाउँको विकास जो जहाँ गरेपनि यसै गरी चासो दिएमा सहज ढंगले गर्न सकिने हुँदा स्वास्थ्य शिक्षा र अन्य क्षेत्रको विकासका निम्ति हरि पौडेल जस्ता युवाको साथ आवश्यक रहेको बताए । 

प्रबिधिले धेरै कोल्टे फेर्दा पनि आबस्यक सामाग्रीको अभाबमा सर्वसाधरणलाई उपचार गराउनुपर्ने अबस्था नजिक बाट नियालेका  पौडेलले गाउँमा अहिले पनि पुरानै ढड्डा पल्टायर बिरामीको तथ्यांक संकलन गर्नुपर्ने अबस्था रहेको भन्दै यो अबस्थाको अन्त्यको लागि स्वास्थ्य चौकीलाई कम्प्युटर सहयोग गरेको बताए । उनले आगामी दिनमा पनि गाउँमा शिक्षा र स्वास्थ्य क्षेत्रमा निरन्तर सहयोग गर्न बताए । पौडेलको परिवारले कोराना संक्रमणको समयमा पनि गाउँमा खाद्य सामाग्री सहयोग गर्नुका साथै अन्य सामाजिक क्षेत्रमा पनि ठुलो योगदान पुर्याउँदै आएका छन ।