बागलुङ- लायन्स क्लब डिस्ट्रिक्ट ३२५ जे नेपालको दोश्रो क्याबिनेट बैठक बागलुङमा हुने भएको छ । कात्तिक ३० र मंसिर १ गते बागलुङ बजारमा हुने क्याबिनेट बैठकले  पर्यटन प्रवद्र्धन तथा लायन्सका सामाजिक गतिविधिबारे जानकारी दिने जनाईएको छ । एक हजार भन्दा बढि सदस्यहरुलाई बागलुङका विभिन्न स्थानमा भ्रमण गराउने उद्येश्य सहित सामाजिक क्षेत्रका केही परियोजना संचालनका लागि बैठकमा एजेण्डको रुपमा लिईएने बताईएको छ । शनिबार क्याविनेट बैठकको बारेमा जानकारी दिँदै प्रचार प्रसार समितिका संयोजक गणेशराज लम्सालले  बागलुङको पर्यटकीय विकास र यहाँका धार्मिक तथा साँस्कृतिक क्षेत्रको चिनारी गर्न पनि यो बैठक उपयोगी हुने बताए ।  बैठकमा भाग लिन देशभरका १ हजार बढी लायन्स सदस्यहरु सहभागी लम्सालले जानकारी दिए । बैठकमा आउने लायन्सका सदस्यहरु ढोरपाटन, पञ्चकोट, शालीग्राम संग्राहलय तथा कालीका मन्दिर र लामो पुलको अबलोकन तालिका समेत बनाइसकेका छन् । बैठकले बागलुङको पर्यटन प्रर्वद्धनका लागि थप टेवा पुराउने बताईएको छ । 

बैठकमा आउने केही लायन्सका सदस्यहरु दुई तीन दिनअघि नै आएर ढोरपाटन पुग्ने तयारीमा रहेको एरिया मेन्टर नरेश कंडेलले जानकारी दिए । बैठकमा पर्यटनबाहेक सामाजिक कामको परियोजना तयार पनि उनले बताए ।  जिल्लाका १० वटै पालिकाका धार्मिक, प्राकृतिक, सास्कृतिक र पर्यटकीय सम्पदाको प्रचार प्रसार गर्नका लागि लायन्सले किताब समेत तयारी पारेको उनले जानकारी दिए । 
बैठकका लागि आकस्मिक स्वास्थ्य सेवा, यातायातको व्यवस्थापन, आबास तथा भोजनको व्यवस्थासमेत तयारी भएको बताइएको छ । त्यसका लागि विभिन्न १३ वटा उपसमिति गठन भएको छ ।  नेपालमा रहेका बिभिन्न क्लब र डिस्ट्रिक्टमध्ये जे अन्तर्गत २ हजार ९ सय ९१ क्लब रहेका छन् । धौलागिरि क्षेत्रमा मात्रै २१ वटा लायन्स क्लब जे अन्र्तगतकै क्रियाशिल रहेका छन् ।
कार्यक्रममा लायन्स क्लब ३२५ जे की गर्भनर मिलन थापाले लायन्समार्फत् अन्तर्राष्ट्रिय परियोजना भित्र्याउने, दृष्टिविहीनलाई उज्यालो संसार देखाउने, स्वास्थ्य शिविर, खानेपानी, सरसफाइलगायतका गतिविधिमा पनि काम गर्ने लक्ष्य सुनाइन् ।
पत्रकारको जिज्ञाशाको जवाफमा उनले वैदेशिक यात्रामा पनि सहज वातावरण बनाउन लायन्स सहयोगी भएको बताइन् । प्रचार समितिका संयोजक गणेशराज लम्सालको अध्यक्षता, सदस्य सचिव उमेश गौतमको संचालनमा सम्पन्न कार्यक्रममा पूर्वगर्भनर धु्रब थापा, लायन्स लिडरहरु नरेश कंडेल, चन्द्रराज रेग्मी लगायतले मन्तव्य राखेका थिए ।