बागलुङ - आगामी चैत्र ५ गतेका लागि तोकिएको स्वतन्त्र विद्यार्थी युनियन(स्ववियु)को निर्वाचनका लागि धवलागिरी बहुमुखी क्याम्पस बागलुङमा ९ वटा संघ संगठन दर्ता भएका छन ।  सोमबार विहान ११ बजे देखी दिउँसो ३ बजे सम्म स्ववियु निर्वाचनका लागि संघ संगठन र समुह दर्ता गर्ने समय निर्धारण गरिएको थियो । सो समयमया क्याम्पसका विभिन्न विद्यार्थी संगठन सहित ९ वटा संगठन र समुह दर्ता भएको निर्वाचन अधिकृत गोविन्द राज गौतमले जानकारी दिए । गौतमका अनुसार विद्यार्थी रेखा शर्माले अखिल छैठो, रुद्रबहादुर पुनले अखिल क्रान्तिकारी, गणेश प्रसाद आचार्यले डिएमसी विद्यार्थी समुह र विशेष पराजुलीले नेपाल विद्यार्थी संघ दर्ता गरेका छन । 
त्यसैगरी सुधन विकले अखिल नेपाल विद्यार्थी युनियन समाजबादी, विनोद कार्कीले अनेरास्ववियु, विरोश क्षेत्रीले स्वतन्त्र विद्यार्थी समुह, होम कुँवरले राष्ट्रिय प्रजातन्त्रिक विद्यार्थी संगठन, र जीवन शर्माले अखिल संयुक्त प्यानल दर्ता गरेको निर्वाचन अधिकृत गौतमले जानकारी दिए । 
निर्वाचन समितिले केन्द्रीय निर्वाचन कार्यतालिका अनुसार नै सोमबार संघ संगठन दर्ता गरेको र अन्य तालिकाका विषयमा मंगलबार संघ संगठन विच बैठकमा छलफल गरिने बताएको छ । 
त्रिभुवन विश्वविद्यालयले निकालेको केन्द्रीय निर्वाचन तालिका अनुसार फागुन २१ गते मतदाता सूची प्रकाशित गर्ने र फागुन २५ मा मतदाता सूची उपर दाबी विरोध गर्ने समय रहेको छ ।  त्यसैगरी फागुन २५ गते नै मतदाता सूची उपर दाबी विरोधको छानबिन गरी अन्तिम नामावली प्रकाशित गर्ने कार्यतालिका रहेको छ ।

फागुन २६ गते उम्मेदवारका लागि मनोनयनपत्र वितरण हुनेछ । प्रत्यक्ष र समानुपातिक दुवै तर्फको उम्मेदवारको मनोनयन पत्र नामावली दाखिला गर्ने समय फागनु २७ लागि तोकिएको त्रिविको सूचनामा उल्लेख छ । सोही दिन नै दुवै तर्फको उम्मेदवारको नामावली प्रकाशित गर्ने कार्यतालिका रहेको छ । 
दुवै तर्फको उम्मेदवारको नामावली उपर दाबी विरोध गर्ने २८ फागुनका लागि तोकिएको छ । त्यसैगरि उम्मेदवारको नाम फिर्ता लिने अन्तिम समय २९ फागुन तोकिएको छ । सोही दिन उम्मेदवारको अन्तिम नामावली प्रकाशित हुनेछ ।  मतदान चैत ५ गते बिहान ८ बजेदेखि अपराह्न ४ बजेसम्म हुने निर्वाचन कार्यतालिकामा उल्लेख गरिएको छ ।