बागलुङ - धवलागिरि बहुमुखी क्याम्पस बागलुङको स्वतन्त्र विद्यार्थी युनियनको अध्यक्षमा आश्मीन शेख निर्वाचित भएकी छन । शेखले नेपाल विद्यार्थी संघका उम्मेदवार सृष्टी आचार्यलाई ६२ मतान्तरले पछि पार्दै अध्यक्षमा निर्वाचित भएकी हुन । अखिल संयुत्त प्यानलबाट निर्वाचित शेखले ५५२ मत ल्याएकी छन भने आचार्यले ४९१ मत ल्याएकी छन । अध्यक्षका लागि स्वतन्त्र समुहबाट उम्मेदवारी दिएका दिपक सुवेदीले ७ मत लाएका छन । साविकको धवलागिरी क्षेत्रकै एक मात्रै आंज्ञिक क्याम्पसमा विगत २० वर्ष देखी नेपाल विद्यार्थी संघले नेतृत्व समाल्दै आएकोमा यस वर्ष भने अनेरास्ववियुकी शेखको पाल्टोमा परेको छ । क्याम्पसको इतिहासमा पहिलो पटक महिला नेतृत्व पाएको हो ।  निर्वाचनमा नेपाल विद्यार्थी संघले एकल प्यानल बनाएर चुनावी मैदानमा थियो भने । अन्य वामपन्थी विद्यार्थी संगठन र राप्रपा समर्थक विद्यार्थी संगठन एकै ठाउँमा भएर संयुक्त प्यानल बनाएका थिए । मंगलबार भएको निर्वाचनमा अध्यक्ष र एक सदस्य बाहेक सचिव कोषाध्यक्ष सहित अन्य सदस्य नेविसंघले नै जितेको छ । 
स्ववियुको सचिवमा नेविसंघका सचिन हरिजन निर्वाचित भएका छन भने कोषाध्यक्षमा विशाल थापा निर्वाचित भएको निर्वाचन अधिकृत गोविन्दराज गौतमले जानकारी दिए । हरिजनले ५३४ मत ल्याएर निर्वाचित भएका छन भने उनका प्रतिस्पधी अखिलका रुद्रबहादुर पुनले ५०९ मत प्राप्त गरेका छन । कोषाध्यक्षमा थापाले ६५४ मत ल्याएर निर्वाचित भएका छन भने, उनका प्रतिस्पर्धी अखिलका रेखा शर्माले ३८४ मत ल्याएकी छन । 
त्यसैगरी सदस्यहरुमा नेविसंघका प्रशान्त सुवेदी, दिप सागर सुवेदी, सुदिप घर्ति मगर, सृष्टी घर्ति, सुवासबाबु घर्ति समेन्त शर्मा र शुभम राजभण्डारी निर्वाचित भएका छन भने अखिलका विकल्प घर्तिमगर निर्वाचित भएका छन । 
अखिल संयुक्तबाट अध्यक्ष शेख र सदस्यमा धर्तिमगर मात्र निर्वाचित भएका हुन । स्नाकोत्तर अध्ययनरत शेख ‘हामी इतिहास पढने मात्र होइन, इतिहास बनाउने मान्छे पनि हो’ भन्ने नारासहित चुनावी मैदान थिइन् ।