तित्याङमा आर्युवेद स्वास्थ्य शिविर सम्पन्न 

बागलुङ - बागलुङ नगरपालिका–९ तित्याङमा निःशुल्क आर्युवेद स्वास्थ्य शिविर सम्पन्न भएको छ । धौलागिरी आर्युवेद अस्पताल बागलुङको प्राविधिक सहयोग र बागलुङ नगरपालिका र बलेवा आर्युवेद औषधालयको आयोजना साथै बानपा ९ वडा कार्यालयको समन्वयमा एक दिने निःशुल्क शिविर संचालन भएको छ । शिविरमा ग्यास्ट्रिक, पायल्स, मुटुरोग, पिनास, मधुमेह, उच्च रक्तचाप दम जस्ता विभिन्न रोगको समस्या भएका विरामीहरुको स्वास्थ्य जाँच गरिएको थियो । शिविरमा ७२ जना महिला र ३९ जना पुरुष गरी कुल १११ जना सेवाग्रहीले सेवा लिएका थिए ।  
शिविरमा धौलागिरी आर्युवेद अस्पतालका आर्युवेद चिकित्सक डा. सरोज पन्थी, बलेवा आर्युवेद औषधालयका प्रमुख हरि पौडेल, तित्याङ स्वास्थ्य चौकीमा प्रमुख नारायण पौडेल लगायतका स्वास्थ्यकर्मीहरुले सेवा प्रदान गरेका थिए ।
विद्यमान समाजमा मुटुरोग, स्वासप्रस्वास, सम्बन्धी समस्या, जस्ता नसर्ने रोगहरुको स्किृनिङ गर्ने र परिक्षण गरी उचित परामर्श गर्ने उद्देश्यका साथ शिविर संचालन गरिएको वलेवा आर्युवेद औषधालयका प्रमुख हरि पौडेलले जानकारी दिए । शिविरमा विरामीहरुको स्वास्थ्य परिक्षण गर्नुका साथै उचित खानपान, आहार विहारको परिवर्तन गर्ने र स्वदेशी जडिबुटी निर्मित औषधीको प्रयोग बारेमा जानकारी गराईएको थियो । 
शिविर उद्घाटन कार्यक्रममा बोल्दै बागलुङ नगरपालिकाका निमित्त प्रमुख प्रशासकिय अधिकृत धनप्रसाद पोखरेलले हरेक मानिसले समय समयमा आफ्नो स्वास्थ्य जाँच गर्नुपर्ने बताए । उनले पछिल्लो समयमा आर्युवेद औषधी पनि आम नागरिकको चासो बढ्दै गएको बताए । 
शिविर बागलुङ नगरपालिका ९ का वडा सदस्य मायाँ बोहोराको अध्यक्षता तित्याङ स्वास्थ्य चौकी प्रमुख नारायण प्रसाद पौडेलको स्वागत र वलेवा आर्युवेद औषधालयका प्रमुख हरि पौडेलको संचालनमा सम्पन्न भएको थियो ।