बागलुङ-  बागलुङको गलकोटमा जिप दुर्घटना हुँदा ३ जनाको मृत्यु भएको छ भने एक जना घाईते भएका छन । गलकोट नगरपालिका–२ भुङ्खानीमा रा १ ज २०० नम्बर को पिकअप जिप दुर्घटना हुँदा दुई महिला र एक पुरुषको मृत्यु भएको हो भने एक जना घाइते भएका छन् ।

मृत्यु र घाइते हुने कसैको पनि पहिचान नखुलेको जिल्ला प्रहरी कार्यालय बागलुङका प्रहरी निरीक्षक प्रताप पौडेलले जानकारी दिए । घाइतेलाई धौलागिरी अस्पताल बागलुङमा पठाइएको छ । जिप मध्यपहाडी लोकमार्गदेखि करिब ३०० मिटर तल खसेको बताईएको छ । दुर्घटनास्थलमा पुथा उत्तरगङ्गा गाउँपालिका
तकसेरा, रुकुम पूर्वकी उपाध्यक्षको परिचय पत्र भेटिएको छ ।  घटनाको थप विवरण आउन बाँकी रहेको प्रहरीले जनाएको छ ।