बागलुङ- समतामूलक समाज स्थापनामा सबै जाती, क्षेत्र र वर्गको साथ र सहयोग चाहिने  बागलुङमा आयोजित एक कार्यक्रमका सहभागीले बताएका छन् । उनिहरुले संविधान र कानूनले जातीय विभेद अन्त्य गरेपनि व्यवहारमा परिवर्तन गर्नका लागि सवै एकै ठाउँमा हुनुपर्ने बताएका हुन ।  ६० औं अन्तराष्ट्रिय जातीय विभेद उन्मुलन दिवशको अवसरमा आयोजित कार्यक्रममा सहभागीहरुले  दलीत सशक्तीकरणले मात्र विभेद अन्त्य नहुने भन्दै गैर दलीतको पनि सशक्तीकरण चाहिएको बताएका थिए । 
बागलुङ नगरपालिका, सामाजिक विकास कार्यालय र संयुक्त राजनीतिक दलीत संघर्ष समितिले आयोजना आयोजित अन्तरक्रिया कार्यक्रममा सरोकारवालाले दलीत माथी हुने भेदभावविरुद्व सबै एक जुट हुनुपर्ने भनाई राखेका थिए । 
कार्यक्रममा  गण्डकी प्रदेश सरकारका स्वास्थ्यमन्त्री कृष्ण प्रसाद पाठकले राज्यले विभेदकारी नीति नलिए पनि बेला बेला हुने घटना र पात्रहरुलाई कारवाही गरेर पीडितलाई न्याय दिनुपर्ने बताए । उनले अझै पनि हाम्रो समाजमा विभेदको अन्त्य हुन नसकेको र विवेद गर्ने दोषीलाई कारवाहीको भागीदार नबनाएसम्म पीडितहरुले न्याय नपाउने बताए । उनले आउँदा दिनहरुमा यस्ता घटना दोहोरिन नदिनका लागि राज्यबाट कानुनलाई अझै बलियो बनाउन आवश्यक रहेको बताए । 
कार्यक्रममा नेकपा एमाले गण्डकी प्रदेशका प्रमुख सचेतक गोबिन्द नेपालीले जातीय विभेद योजनाबद्द रुपमा अगाडि बढीरहेकोले त्यस्ता पात्रहरु कानूनी कठघरामा जानुपर्ने बताए । उनले दलीत सशक्तीकरण गरेर नभई अन्य जातीको सशक्तीकरणबाट विभेद अन्त्य गर्नुपर्ने उनले बताए ।
उक्त अवसरमा दलीत महिला तथा जनप्रतिनिधिका लागि नेतृत्व विकास प्रदान गरिएको थियो ।  कार्यक्रममा अधिवक्ता कुन्जना परियारले प्रशिक्षण गरेकी थिइन् । साथै, मानवअधिकार तथा शान्ति समाज बागलुङले पनि विभेदबिरुद्द ऐक्कवद्दता जनाएको थियो । समाजका अध्यक्ष फडिन्द्र आचार्यले ऐक्कवद्दताको प्रस्तुतीकरण र अवधारणा पत्र सार्वजनिक गरेका थिए ।  समाजले विभेद विरुद्दको अभियानमा साथ दिने प्रतिवद्दता जनाए । संयुक्त राजनीतिक दलीत संघर्ष समितिका संयोजक टिकाकुमारी विश्वकर्माको अध्यक्षता, बागलुङ नगरपालिका महिला तथा बालबालिका शाखाकी प्रमुख रचना आचार्यको संचालन र सामाजिक विकास कार्यालयका प्रमुख हिमाल घर्तीमगरको स्वागतमा सम्पन्न कार्यक्रममा समितिका सचिव ताराबहादुर विकले पनि जातीय विभेद बिरुद्दको अभियानको ऐतिहासिक पृष्ठभूमीबारे प्रस्तुती गरेका थिए । कार्यक्रममा जिल्ला समन्वय समितिका प्रमुख अमरबहादुर थापा, नेपाली कांग्रेसका जिल्ला सदस्य जगन्नाथ आचार्य  भुमी आयोग बागलुङका सदस्य लक्ष्मी बोहोरा लगायतले आफ्ना धारणा राखेका थिए ।