पोखरा - जेन जीका प्रदर्शनकारीले मंगलबार आगजनी गरेको पोखरा महानगरपालिका–९ नयाँबजारस्थित एक गाडी सोरुममा एक युवतीको शव भेटिएको छ ।

प्रदर्शनकारीले अटोमोबाइल्स एसोसिएसन अफ नेपाल (नाडा) का पूर्व अध्यक्ष ध्रुव थापाको हिमालय अर्गनाइजेसनमा आगजनी गरेका थिए । त्यही आगजनीमा परेर सहयोगीकोरुपमा काम गर्ने युवतीको मृत्यु भएको हो । उनको नाम र ठेगाना खुलेको छैन । प्रदर्शनकारीले तोडफोड र आगजनी गरेपछि भवन बाहिर निस्केकी उनी मोबाइल छुटेको भन्दै लिन गएकी थिइन् । हिमालय अर्गनाइजेसनका सञ्चालक ध्रुव गण्डकी प्रदेशका सामाजिक विकास, युवा तथा खेलकुदमन्त्री विन्दुकुमार थापाका भाइ हुन् । प्रदर्शनकारीले मंगलबार मन्त्री थापाको नयाँबजारमै रहेको घरमा लुटपाट, तोडफोड र आगजनी गरेका थिए ।