बागलुङ ।  नेकपा माओवादी केन्द्रका उपाध्यक्ष नारायणकाजी श्रेष्ठले संघियतालाई सवै मिलेर सुदृढ गराउनुपर्ने बताएका छन । संघियताको पक्षधर रहेका सवै राजनितिकदलहरु एकै ठाउँमा भएर यसलाई सुदृढ र सवल बनाउनुपर्नेमा उनले जोड दिएका छन । 
बागलुुङ नगरपालिका कार्यालय बागलुङले आयोजना गरेको स्वागत तथा भेटघाट कार्यक्रममा बोल्दै श्रेष्ठले देशमा संघियता धेरै सोच र विचारका साथ लाग ुगरिएको र यसलाई संस्थागत गराउन अहिलेको आवश्यक रहेको बताए । उनले तिन तहको संरचना संविधानबाट अधिकार दिने गरी तयार भएको र आफ्नो अधिकार अनुसार काम गर्नुपर्नेमा जोड दिए । ‘नेपालका सन्दर्भमा संघियताको कुराकानी गर्दा धेरै सोच विकास र संघर्ष मार्फत ल्याएका हौं , श्रेष्ठले भने तिन तहकै सरकारका अधिकारका बारेमा संविधानमा उल्लेख गरेर संरचना निर्माण तयार पारिएको छ । त्यसो गर्न हुँदैन भन्दै यहाँ धेरै संघर्ष पनि भए । स्थानिय तहलाई प्रदेश सरकार मातहत संचालन गर्ने कुरा पनि भएका थिए । संघियता पक्षधर दलहरुनै मिलेर स्थानिय सरकारलाई बलियो सरकार बनाउनका निम्ती नयाँ मोडलको संघियताको व्यवस्थापन गरेका हौं ।’ उनले संघियताको विपक्षमा रहेका केही तत्वहरुले अहिले पनि तिन तहको संरचनाको विरोध गरिरहेको बताए ।  
पूर्व उपप्रधान तथा गृहमन्त्री समेत रहेका श्रेष्ठले पछिल्लो समयमा बजेट विनियोजन न्यायिक ढंगले व्यस्थापन हुन नसकेका गुनासो गरे । उनले बजेट तिन तहकै सरकारमा समान हिसाबले व्यवस्थापन गर्न केन्द्र सरकारले जोड दिनुपर्ने बताए ।  
श्रेष्ठले बागलुङ नगरपालिकाका नगरप्रमुख बसन्त कुमार श्रेष्ठले राखेका विकास निर्माणको कुरामा आफ्नो पार्टीको तर्फबाट साथ रहने प्रतिवद्धता व्यक्त गरेका थिए । श्रेष्ठले शनिबार नै नेकपा माओवादी केन्द्र बागलुङले आयोजना गरेको प्रशिक्षण कार्यक्रममा सम्बोधन समेत गरेका छन ।