बागलुङ -उद्योगी व्यवसायीहरुको छाता संस्था बागलुङ उद्योग वाणिज्य संघको नवनिर्वाचित अध्यक्ष तथा सदस्यहरुले सपथ ग्रहण गरेका छन ।  संघको १९ औं महाधिवेशनबाट निर्वाचित अध्यक्ष राजन कुमार शाक्य र अन्य सदस्यहरुले पद तथा गोपनीयताको सपथ लिएका हुन । । सपथ ग्रहण कार्यक्रममा बोल्दै नवनिर्वाचि अध्यक्ष शाक्यले उद्योगी व्यवसायीको हक हितमा आफूले सक्दो काम गर्ने बताए । उनले सवै सँग सहकारी गरेर संघलाई अगाडी बढाउने बताए । 

निर्वाचित अध्यक्ष सहित १३ खुल्ला सदस्य, दुई उद्योग सदस्य र तीन महिला सदस्यहरुलाई मुख्य निर्वाचन अधिकृत भुमिश्वर गौतमले निर्वाचित भएको प्रमाणपत्र प्रदान गरेका थिए ।  बागलुङ उद्योग वाणिज्य सङ्घको अध्यक्षमा शाक्य सँग उमाकान्त शर्मा बाबु प्रत्यासी भएका थिए । 

यस्तै खुल्ला सदस्यमा ऋषीराम गौतम, अर्जुनप्रसाद कँडेल, अकिलबहादुर क्षेत्री, नविनकुमार श्रेष्ठ, इन्द्रमणी पौडेल, चन्द्रराज रेग्मी, मनिष राजभण्डारी, दिपक हमाल, सुदिपसागर कँडेल, बद्री ढुङ्गाना, श्रीजय श्रेष्ठ, उमेश केसी र राजु गौतम निर्वाचित भएका थिए  । यस्तै उद्योग सदस्यमा राम प्रसाद शर्मा, चुडामणी सापकोटा विजयी भएका हुन । भने महिला सदस्यमा कमला पराजुली, सविता आचार्य र सृजना राजभण्डारी  निर्वाचित भएका थिए । कार्यक्रममा उद्योग वाणिज्य महासंघका केन्द्रिय सदस्य कल्पना गैरे, युवराज राजभण्डारी, उद्योग वाणिज्य संघ गण्डकी प्रदेशका सदस्य दयाराम पौडेल, पुर्व अध्यक्षद्वय जयराम भारी, धु्रवराज गौतमले चुनाव प्राविधिक कुरा भएपनि उद्योग व्यवसायको प्रवद्र्वनमा व्यवसायीहरु एकजुट हुनुको विकल्प नरहेको बताएका थिए ।