बागलुङ-बागलुङरबागलुङको जैमिनी नगरपालिका–८ छिस्तीबाट सदरमुकाम बागलुङ बजार आउँदै गरेको पीकअप जिप दुर्घटना भएको छ । जिप जैमिनी नगरपालिका वडा नं. ७ जैदी हर्देवा पाखाको दुर्घटना भएको छ । दुर्घटनामा पाँच जनाको घटनास्थलमा नै मृत्यु भएको छ भने एक जना घाईते भएको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले जानकारी दिए ।   ग२च ९२४७ पीकपअ भ्यान सडकदेखी झण्डै ५ सयमिटर  तल खसेको बताईएको छ । छिस्तीको केवैखानीबाट बागलुङ बजारका लागि जिप छुटेको थियो । 
दुर्घटनामा चालक सहित २ जना महिला र ३ पुरुष गरी पाँच जनाको घटनास्थलमा नै मृत्यु भएको प्रहरीले जनाएको छ । मृत्यु हुनेमा जिप चालक जैमिनी नगरपालिका वडा नं. ८ केवई ३८ बर्षिय महेन्द्र पुन, सोही स्थानका २० बर्षिय रश्मी श्रीष, ५० बर्षिय नन्दकली पुन, १७ बार्षिय निरज श्रीष, र ७५ बर्षिय कुल प्रसाद श्रीष रहेका छन । दुर्घटनामा सोही स्थानका 
 ४५ बर्षिय गंगा बहादुर श्रीष घाईते भएका छन ।  दुर्घटनामा घाईतेको उपचारका लागि धौलागिरी अस्पताल बागलुङ पठाईएको जिल्ला प्रहरी कार्यालय बागलुङले जनाएको छ । दुर्घटना के कारणले भएको भन्ने बारे प्रहरीले थप अनुसन्धान गरेको छ ।