बागलुङ- युवा नेता किरणराज पौडेल नेपाली काँग्रेसको केन्द्रीय सदस्यमा मनोनित भएका छन ।  सभापति शेरबहादुर देउवाले  पौडेल सहित ८ जनालाई केन्द्रीय सदस्यमा मनोनित गरेका छन ।  कांग्रेसको विधानको धारा २१ को उपधारा १० बमोजिम उनिहरुलाई केन्द्रीय समितिमा मनोनित गरेका काँग्रेस केन्द्रीय कार्यालयले जनाएको छ ।

बागलुङको बलेवा पैयुँपाटामा जन्मिएका नेता पौडेल विद्यार्थीकाल देखी नै राजनितिमा सक्रिय भएका हुन । उनि नेपाल विद्यार्थी संघको महामन्त्री हुँदै काँग्रेसको आमन्त्रीत केन्द्रिय सदस्य भएका थिए । पौडेल सँगै गुल्मीका डा. चन्द्र भण्डारी, अर्घाखाँचीका मानबहादुर विश्वकर्मा, पर्वतका अर्जुनप्रसाद जोशी, काभ्रेका शिवप्रसाद हुमागाई, रुपन्देहीका भरतकुमार शाह, कास्कीका शारदा पौडेल र पर्साका अनिलकुमार रुंगटा रहेका छन् ।

देउवाले मनोनित गरेका केन्द्रीय सदस्यमा चन्द्र भण्डारी, हुमागाई र शारदा पौडेल बाहेक अन्य संस्थापन पक्षका हुन् । भण्डारी १४ औं महाधिवेशनमा उपसभापतिमा पराजित हुनु भएको थियो। त्यस्तै विश्वकर्माले सहमहामन्त्रीमा पराजित भएका हुनु भएको थियो ।